جوہری ہتھیاروں کی جانچ سے یقین ہو جائے گا کہ یہ صحیح طریقے سے کام کر رہے ہیں،امریکا

امریکا نے کہا ہے کہ جوہری ہتھیاروں کی جانچ سے یقین ہو جائے گا کہ یہ صحیح طریقے سے کام کر رہے ہیں۔ العربیہ اردو کے مطابق یہ بات امریکی نائب صدر جے ڈی وینس نے گزشتہ روز جوہری تجربات کے حکم سے متعلق امریکی صدر کی سوشل میڈیا پوسٹ کے حوالے سے صحافیوں کو بتایا کہ یہ یقینی بنانا امریکی قومی سلامتی کا اہم جُز وہے کہ ہمارے پاس موجود جوہری ہتھیار دراصل مناسب طریقے سے کام کر رہے ہیں ،

یہ آزمائشی عمل کا حصہ ہے اور صدر ڈونلڈ ٹرمپ کا بیان خود ہی اس بات کی وضاحت ہے۔ انہوں نے اس بارے تفصیل نہیں بتائی کہ صدر ڈونلڈ ٹرمپ نے کس قسم کےتجربات کا حکم دیا ہے۔