سکیورٹی فورسز کی باجوڑ کے علاقے میں خوارج کیخلاف کامیاب کارروائیاں جاری

سکیورٹی فورسز کی باجوڑ کے علاقے میں خوارج کیخلاف کامیاب کارروائیاں جاری ہیں،سکیورٹی فورسز نے شاہی تنگی جنگل میں موجود خوارج کے ٹھکانوں اور سرنگوں کا مکمل طور پر صفایا کردیا۔

سکیورٹی ذرائع کے مطابق خفیہ اطلاعات کی بنیاد پر شاہی تنگی کے جنگل میں موجود ایک غار پر گھات لگا کر سکیورٹی فورسز نے بھرپور کارروائی کی ۔کارروائی کے دوران خوارج اور فورسز کے درمیان شدید فائرنگ کا تبادلہ بھی ہوا،فائرنگ کے نتیجے میں ایک خوارجی جہنم واصل جبکہ دیگر زخمی خوارجی علاقے سے فرار ہوگئے۔

سکیورٹی فورسز نے علاقے میں موجود سرنگوں اور قریبی مقامات کو بھی کلیئر کر دیا ۔کارروائی کے دوران خوارج کے زیر استعمال اسلحہ، بارودی مواد اور مواصلاتی آلات بھی برآمد کر لیے گئے۔پاک فوج اور سکیورٹی ادارے ملک سے دہشتگردی کے ناسور کو ختم کرنے کیلئے پرعزم ہیں۔