51 ویں فوڈ ایکس جاپان 2026میں شرکت کے لئے 31اکتوبر تک درخواستیں طلب

ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ جاپان میں 10مارچ سے شروع ہونے والی بین الاقوامی تجارتی نمائش ’’ 51 ویں فوڈ ایکس جاپان 2026‘‘ میں شرکت کے لئے 31 اکتوبرتک درخواستیں جمع کرائی جاسکتی ہیں ۔

ٹی ڈی اے پی کے مطابق نمائش جاپان میں 10مارچ سے13 مارچ تک جاری رہے گی جس میں کافی ، بیکری آئیٹم ، آرگینک فوڈ ، مصالحہ جات اور گلوٹن فری پراڈکٹس سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔