پاکستان کے خلاف افغان طالبان کی بلا اشتعال جارحیت کے جواب پرعوام کا پاک فوج سے بھرپور اظہارِ یکجہتی
پاکستان کے خلاف افغان طالبان کی بلا اشتعال جارحیت کے جواب پرعوام نےپاک فوج سے بھرپور اظہارِ یکجہتی کیا ہے۔افغان طالبان کی جارحیت اوردہشت گردی پر پاکستانی عوام کا شدید رد عمل سامنے آ رہا ہے۔تفصیلات کے مطابق صوبہ خیبر پختونخوا کے شہریوں نے افواج پاکستان کے ساتھ بھرپور اظہار یکجہتی کیا۔
شہریوں نے کہا ہے کہ پاکستان کی خودمختاری کو نقصان پہنچانے کی کوشش کرنے والوں کیخلاف پاک فوج کو بھرپور جوابی کارروائی کرنی چاہیے،شہریوں نے کہا کہ پاک فوج نے افغانیوں کو بہترین سبق سکھایا اور ان کی متعدد پوسٹوں پر قبضہ کر لیا۔افغان طالبان رجیم کے بلااشتعال حملوں کیخلاف بھر پور جواب پر پاک فوج کو خراجِ تحسین پیش کرتے ہیں،
بلوچستان اور خیبرپختونخوا کے سرحدی علاقوں پر طالبان نے حملے کیے مگر ہر جگہ انہیں شکست ہوئی،بھارت کی ایما پر افغان طالبان کے حملوں کو ہر محاذ پر پاک فوج شکست سے دوچار کر رہی ہے،پاکستان نے افغانستان کے سہولت کار بھارت کو بھی منہ توڑ جواب دیا،افغانستان بار بار وعدہ خلافی کرتا ہے،
وہ سب سے پہلے دہشت گردی کے نیٹ ورک کا خاتمہ کرے،افغانستان پہلے فتنہ الخوارج اور فتنہ الہندوستان کے نیٹ ورک ختم کرے، پھر بات ہو گی۔جب تک دہشت گردی ختم نہیں ہوتی، تب تک افغانستان کے ساتھ تعلقات بحال نہ کیے جائیں۔خیبرپختونخوا کے عوام پاک فوج کے شانہ بہ شانہ لڑنے کے لئے ہمہ وقت تیار ہیں۔
