پی ایس ایکس میں شدید مندی، 100 انڈیکس میں 5 ہزار سے زائد پوائنٹس کی کمی

کراچی: پاکستان اسٹاک ایکسچینج میں شدید مندی کا رجحان جاری ہے۔

پاکستان اسٹاک ایکسچینج میں گزشتہ کاروباری ہفتہ منفی رہا اور آخری 4 دن میں 100 انڈیکس ساڑھے 4 ہزار پوائنٹس گرا ہے اور مارکیٹ کیپٹلائزیشن 600 ارب روپے کم ہوئی۔

آج کاروباری ہفتے کے پہلے روز بھی اسٹاک ایکسچینج میں کاروبار کا منفی آغاز ہوا ہے۔

اسٹاک ایکسچینج کے 100 انڈیکس میں آج کاروبار کے آغاز میں ہی 2972 پوائنٹس کی کمی ہوئی۔

کاروبار کے دوران 100 انڈیکس 5028 پوائنٹس کمی ہوئی جس سے انڈیکس 158069 پر آگیا جب کہ پاکستان اسٹاک ایکسچینج کا 100 انڈیکس پونے 3 فیصد گرا ہے۔