ڈینگی کے پھیلاؤ کو روکنے کے لیے تمام دستیاب وسائل بروئے کار لائے جائیں گے ،وفاقی وزیرِ برائے قومی صحت سید مصطفیٰ کمال
وفاقی وزیرِ برائے قومی صحت سید مصطفیٰ کمال نے کہا ہے کہ ڈینگی کے پھیلاؤ کو روکنے کے لیے تمام دستیاب وسائل بروئے کار لائے جائیں گے عوامی آگاہی کے ساتھ ساتھ عملی اقدامات کو بھی یقینی بنایا جائے گا۔ان خیالات کا اظہار انہوں نے ڈینگی کی موجودہ صورتحال پر منعقدہ اجلاس کی صدارت کرتے ہوئے کیا ۔
انہوں نے کہا کہ ڈینگی کی روک تھام کیلیے مربوط حکمت تشکیل دی ہے ڈینگی وائرس سے نمٹنے کیلئے موثر اقدامات جاری ہیں ۔انہوں نے کہا کہ ڈینگی کے خاتمے کے لیے مربوط حکمت عملی اور عوامی سطح پر فوری اقدامات ناگزیر ہیں ۔انسداد ڈینگی کیلیے تمام متعلقہ ادارے ملکر کام کریں تاکہ شہریوں کو محفوظ رکھا جا سکے ۔
انہوں نے کہا کہ تمام ہسپتالوں میں بخار کے مریضوں کے لیے الگ کاؤنٹرز قائم کیے جائیں تاکہ ڈینگی کے مشتبہ مریضوں کی فوری تشخیص اور علاج ممکن بنایا جا سکے ۔ڈینگی سے نمٹنے کے لیے تعینات عملے کو تین ٹیمیں تشکیل دی جائیں ۔انہوں نے کہا کہ ٹیموں کی تینوں ایم این ایز کے تحت ذمہ داریاں تفویض کی جائیں تاکہ فیلڈ ورک میں بہتر کوآرڈینیشن اور مؤثر کارروائی کو یقینی بنایا جا سکے
اجلاس میں رکنِ قومی اسمبلی راجہ خرم شہزاد نواز اور انجم عقیل خان سمیت وفاقی سیکرٹری صحت، ڈی جی ہیلتھ ڈی ایچ اور ہسپتالوں کے سربراہان بھی شریک ہوئے۔
