کراچی میں ہونے والی تیسری فوڈ اے جی ایکسپو میں شرکت کے لئے 5 نومبر تک درخواستیں جمع کرائی جاسکتی ہیں،ٹی ڈی اے پی

ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ کراچی میں25 نومبر سے شروع ہونے والی بین الاقوامی تجارتی نمائش ’’ تیسری فوڈ اے جی ایکسپو‘‘ میں شرکت کے لئے 5 نومبر تک درخواستیں جمع کرائی جاسکتی ہیں ۔

ٹی ڈی اے پی کے مطابق نمائش کراچی کے ایکسپو سینٹر میں 25 سے27نومبر تک جاری رہے گی جس میں پھل ، سبزیاں ، ڈیری ، پراسیس فوڈ ، شہد ، نمک ، کھجوریں ، گھی ، تیل ، خشک میوہ جات ، سی فوڈ ، تمباکو اورمصالحہ جات وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔

نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔