ایشیا کپ میں یو اے ای کیخلاف جیت: بھارت نے اپنی ٹی ٹوئنٹی تاریخ کا نیا ریکارڈ بنا ڈالا

بھارت نے ایشیا کپ 2025 کے دوسرے میچ میں یو اے ای کو یکطرفہ مقابلے میں 9 وکٹوں سے شکست دے کر اپنی ٹی ٹوئنٹی تاریخ کا نیا ریکارڈ بنا دیا۔

دبئی میں کھیلے گئے میچ میں بھارت کے کپتان سوریا کمار یادیو نے ٹاس جیت کر یو اے ای کو بیٹنگ کی دعوت دی۔

یو اے ای کی ٹیم 13.1 اوور میں 57 رنز بنا کر آؤٹ ہوگئی۔

جواب میں بھارت نے 58 رنز کا ہدف با آسانی 93 گیندوں قبل (4.3 اوورز) میں ایک وکٹ کے نقصان پر حاصل کرلیا۔

یہ بھارت نے اپنی ٹی ٹوئنٹی تاریخ کا تیز ترین ہدف حاصل کیا ہے۔

اس سے قبل بھارت نے 2021 میں اسکاٹ لینڈ کے خلاف ٹی ٹوئنٹی میچ میں ہدف 6.3 اوورز میں حاصل کیا تھا۔