یوم ولادت سرکارِ دو عالم خاتم النبین حضرت محمد ﷺ کے موقع پر پاک فوج کی جانب سے وفاقی دارالحکومت میں 31 جبکہ صوبائی دارلحکومتوں میں21 توپوں کی سلامی
یوم ولادت سرکارِ دو عالم خاتم النبین حضرت محمد ﷺ کے موقع پر پاک فوج کی جانب سے وفاقی دارالحکومت میں 31 جبکہ صوبائی دارلحکومتوں میں21 توپوں کی سلامی دی گئی۔سرکارِ دو عالم خاتم النبین حضرت محمد ﷺ کا جشنِ ولادت ہفتہ کو انتہائی مذہبی عقیدت و احترام کے ساتھ منایا جا رہا ہے۔
ملک بھر میں نماز فجر کے بعد ملک کی سلامتی اور خوشحالی کے لیے خصوصی دعائیں کی گئیں۔یومِ ولادتِ رسول ﷺ کے موقع پر علی الصبح پاک فوج کی جانب سے چاروں صوبائی دارالحکومتوں میں 21 جبکہ وفاقی دارالحکومت میں 31 توپوں کی سلامی دی گئی۔
سلامی کے بعد پاک فوج کے جوانوں نے نعرہ تکبیر بلند کیا اور فضا اللہ اکبر اور پاک فوج زندہ باد کے نعروں سے گونج اٹھی۔12 ربیع الاوّل کے موقع پر ملک بھر میں رات بھر چراغاں کیا گیا، محافل میلاد میں حضورﷺ کی خدمت میں عقیدت کے پھول نچھاور کئے گئے اور آقائے دو جہاں ﷺ کے حضور درود و سلام کے گلدستے بھی پیش کئے گئے۔
