این ایف سی ایوارڈ کے تحت صوبوں کوگزشتہ مالی سال کے دوران 68کھرب،54ارب ،16کروڑروپے کے فنڈز منتقل کیے،وزارت خزانہ
این ایف سی ایوارڈکے تحت وفاق کی جانب سے صوبوں کوگزشتہ مالی سال کے دوران 68کھرب،54ارب ،16کروڑروپے کے فنڈز منتقل کئے گئے۔وزارت خزانہ کی دستاویزات کے مطابق مالی سال 2024-25کے دوران این ایف سی ایوارڈ کے تحت صوبوں کومجموعی طورپر68کھرب،54ارب ،16کروڑروپے کے فنڈز کی منتقلی عمل میں لائی گئی، مالی سال 2023-24کے دوران این ایف سی کے تحت صوبوں کو52کھرب، 63ارب،62کروڑ70لاکھ روپے کے فنڈزمنتقل کئے گئے تھے۔
اعدادوشمارکے مطابق مالی سال 2024-25 کے دوران وفاق کی جانب سے پنجاب کو33کھرب،26ارب،83کروڑ،70لاکھ روپے، سندھ کو17کھرب،4ارب،34کروڑ،90لاکھ روپے، خیبرپختونخوا کو11کھرب،دوارب،85کروڑ،40لاکھ روپے اوربلوچستان کو 7کھرب،19ارب،97کروڑ،60لاکھ روپے کے فنڈز کی منتقلی ہوئی۔
اعدادوشمارکے مطابق مالی سال 2023-24میں این ایف سی کے تحت صوبوں کو52کھرب، 63ارب،62کروڑ70لاکھ روپے کے فنڈزمنتقل کئے گئے تھے، مالی سال 2023-24میں این ایف سی کے تحت پنجاب کو25کھرب،72ارب،60کروڑروپے، سندھ کو 13کھرب،16ارب،52کروڑ،10لاکھ روپے،خیبرپختونخوا کو8کھرب،62ارب،90کروڑ50لاکھ روپے اوربلوچستان کو 5کھرب،11ارب،60کروڑ،20لاکھ روپے کے فنڈز کی منتقلی عمل میں لائی گئی تھی۔
