چین کا بین الاقوامی میلہ برائے سرمایہ کاری و تجارت 8 تا 11 ستمبر صوبہ فوجیان کے شہر شیامین میں منعقد ہوگا

چین کا بین الاقوامی میلہ برائے سرمایہ کاری و تجارت 8 تا 11 ستمبر صوبہ فوجیان کے شہر شیامین میں منعقد ہوگا۔ چائنا گلوبل ٹیلی ویژن نیٹ ورک(سی جی ٹی این)کے مطابق چین کے بین الاقوامی میلہ برائے سرمایہ کاری و تجارت (سی آئی ایف آئی ٹی) کا موضوع "چین کے ساتھ مستقبل میں سرمایہ کاری” ہے۔

اس میلے میں تقریباً ایک لاکھ 20 ہزار مربع میٹر کا نمائشی علاقہ قائم کیا جائے گا، اور سرمایہ کاری کی 70 سے زائد خصوصی سرگرمیاں اور 100 سے زائد خصوصی روڈ شوز منعقد کیے جائیں گے۔ اس سال سی آئی ایف آئی ٹی چین اور امریکا کے درمیان اقتصادی و تجارتی تعاون اور تبادلے کی سرگرمیاں بھی منعقد کرے گا۔

اب تک 110 سے زائد ممالک، خطوں اور بین الاقوامی تنظیموں کے وفود نے اس بین الاقوامی میلے میں شرکت کے لیے دستخط کیے ہیں۔ 51 ممالک اور خطے میلے میں اپنے نمائشی سٹال لگائیں گے۔