صوبائی وزیرصحت کی زیرصدارت چیف منسٹرزچلڈرن ہارٹ سرجری پروگرام بارے اجلاس

صوبائی وزیرصحت خواجہ سلمان رفیق اور سیکرٹری صحت عظمت محمودخان کی زیرصدارت محکمہ سپیشلائزڈہیلتھ کیئراینڈمیڈیکل ایجوکیشن میں چیف منسٹرزچلڈرن ہارٹ سرجری پروگرام کے حوالے سے اجلاس منعقد ہوا۔ اجلاس کے دوران چیف منسٹرزچلڈرن ہارٹ سرجری پروگرام کاتفصیلی جائزہ لیاگیا۔ترجمان کیمطابق اجلاس میں سپیشل سیکرٹری آپریشنزطارق محمودرحمانی،وائس چانسلر یونیورسٹی آف چائلڈ ہیلتھ سائنسزپروفیسرمسعودصادق، سی ای ا و پنجاب ہیلتھ انشی ایٹو مینجمنٹ کمپنی ڈاکٹرعلی رزاق، ایڈیشنل سیکرٹری ٹیکنیکل ڈاکٹرمحمد وسیم اورایم ڈی چلڈرن ہسپتال لاہور پروفیسرٹیپوسلطان سمیت دیگر افسران نے شرکت کی جبکہ وڈیو لنک کے ذریعے راولپنڈی انسٹیٹیوٹ آف کارڈیالوجی، وزیر آباد انسٹیٹیوٹ آف کارڈیالوجی، ایگزیکٹو ڈائریکٹر چوہدری پرویز الہی انسٹیٹیوٹ آف کارڈیالوجی ملتان، فیصل آباد انسٹیٹیوٹ آف کارڈیالوجی و دیگر حکام نے شرکت کی۔

اجلاس کے دوران خواجہ سلمان رفیق کو مانیٹرنگ فریم ورک،سروس ڈلیوری اور مریضوں کی سہولت کی خاطراٹھائے گئے اقدامات بارے بریفنگ دی گئی، چیف منسٹرزچلڈرن ہارٹ سرجری پروگرام کے حوالہ سے پبلک فیڈبیک پر مبنی سپیشل مانیٹرنگ یونٹ کی رپورٹ کابھی جائزہ لیا گیا۔صوبائی وزیرصحت نے اس فلیگ شپ پروگرام میں شفافیت کو یقینی،سروس کا معیاربہتربنانے اور مریضوں کی آسانی کیلئے بہترین مانیٹرنگ کی اہمیت پرزوردیا اور کہا کہ ام پینلڈہسپتالوں میں مریضوں کو زیادہ سے زیادہ سہولیات فراہم کی جائیں، ام پینلڈہسپتالوں میں مریضوں کودر پیش مسائل کو ترجیحی بنیادوں پر حل کرنے کی ہدایت کی گئی ہے۔انہوں نے کہاکہ چیف منسٹرزچلڈرن ہارٹ سرجری پروگرام کے تحت اب تک صوبہ بھرمیں 6ہزارسے زائد معصوم بچوں کی بالکل مفت ہارٹ سرجری کرچکے اور عوام کو صحت کی بہترین سہولیات فراہم کرنے کیلئے تمام تر وسائل بروئے کارلائے جارہے ہیں۔