امریکا نے کالعدم بی ایل اے اور مجیدبریگیڈ کو دہشتگرد تنظیم قرار دیدیا

امریکی محکمہ خارجہ نے کالعدم بی ایل اے اور مجیدبریگیڈ کو دہشتگرد تنظیم قرار دیدیا۔

امریکی محکمہ خارجہ کی جانب سے جاری بیان کے مطابق کالعدم بی ایل اے اور اس کا ذیلی گروپ مجید بریگیڈ غیرملکی دہشتگرد تنظیم ہے۔

بیان میں کہا گیا ہے کہ کالعدم بی ایل اے 2019 سے عالمی دہشتگرد تنظیموں کی فہرست میں شامل ہے کالعدم بی ایل اے نے 2024 میں کراچی ایئرپورٹ، گوادر پورٹ پر خودکش حملوں کی ذمہ داری قبول کی جب کہ 2025 میں جعفر ایکسپریس ہائی جیکنگ اور 31 افراد کے قتل کا اعتراف کیا، ٹرین  ہائی جیکنگ میں 300 سے زائد مسافر یرغمال بنائے گئے۔

امریکی محکمہ خارج نے کہا کہ ٹرمپ انتظامیہ کا دہشتگردی کیخلاف عزم برقرار رہے گا۔

وزیراعلیٰ بلوچستان نے بی ایل اے کو عالمی دہشتگرد تنظیم قرار دینے کا خیرمقدم کرتے ہوئے کہا ہے کہ شہریوں کے قتل کا کوئی جواز نہیں لیکن بی ایل اے طویل عرصے سے معصوم افراد کا خون بہا رہی ہے۔

انہوں نے کہا کہ لسانی اور حقوق کے نام پر دہشت گردی ناقابل قبول ہے دہشت گردی کسی جواز سے درست نہیں، شہریوں کاقتل ناقابل معافی جرم ہے دنیا کو دہشت گردی کےخاتمےکےلیے متحد ہونا ہو گا۔