فرانس کے جنگلات میں لگی آگ 27 ہزار ایکٹر تک پھیل گئی، 1 ہلاک متعدد افراد زخمی
فرانس کے جنگلات میں لگنے والی آگ 27 ہزار ایکٹر تک پھیل گئی جبکہ 1 ہلاک متعدد افراد زخمی ہوگئے۔
غیر ملکی میڈیا رپورٹ کے مطابق منگل کو لگنے والی آگ نے جنوبی اوڈ ڈپارٹمنٹ میں 25 گھروں کو تباہ اور نقصان پہنچایا ہے تاہم 1,800 سے زیادہ فائر فائٹرز اس موسم گرما میں فرانس میں جنگل کی سب سے بڑی آگ پر قابو پانے کی کوشش کر رہے ہیں۔
فرانس میں جنگلاتی آگ نے 27 ہزار ایکٹر کا رقبہ جلا کر راکھ کر دیا ہے، ایک شخص ہلاک اور نو افراد زخمی ہو گئے جبکہ ہزاروں مکانات کو بجلی معطل ہو گئی ہے۔
دوسری جانب امریکا کے ایریزونا میں ایک لاکھ چھبیس ہزار سے زائد ایکٹر رقبہ جل کر خاکستر ہو گیا، تیز ہواؤں کے سبب آگ پر قابو پانے میں مشکلات ہیں۔
اس سے قبل امریکی ریاست کیلیفورنیا کے وسطی جنگلات میں لگنے والی آگ قابو سے باہر ہوگئی ہے، آگ سے جھلس کر 3 افراد کے زخمی ہونے کی بھی اطلاعات تھی۔
غیر ملکی میڈیا کے مطابق وسطی کیلیفورنیا میں آگ لگنے سے سیکڑوں مکانات کے جل جانے کا خطرہ پیدا ہوگیا تھا، کیلیفورنیا فائر ڈیپارٹمنٹ نے بتایا کہ یہ آگ سے سانٹا بابرا اور سین لوئس اوبیسپو کاؤنمٹیز میں 1 سو مربع میل سے زیادہ رقبے پر پھیل چکی ہے۔
آگ سے زخمی ہونے والوں کے حوالے سے امریکی فاریسٹ ڈیپارٹمنٹ نے بتایا کہ آگ سے ایک کار سوار جھلس کا زخمی ہوا، جسے اسپتال منتقل کیا گیا تھا جبکہ فائر فائٹرز کی مدد کرنے والے 2 کنٹریکٹ ملازمین بھی زخمی ہوئے تھے۔
