پاکستان میں سونے کی قیمت میں ہزاروں روپے کا اضافہ

پاکستان میں سونے کی فی تولہ قیمت میں آج ہزاروں روپے کا اضافہ ہوگیا۔

آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونے کی قیمت 6100 روپے اضافے کے بعد 3 لاکھ 59 ہزار روپے ہوگئی۔

اسی طرح دس گرام سونا 5 ہزار 229 روپے اضافے کے بعد 3 لاکھ 7 ہزار 784 روپے کا ہوگیا۔

عالمی مارکیٹ میں بھی سونے کی قیمت میں 61 ڈالر کا اضافہ ہوا ہے اور سونا 3 ہزار 363 ڈالر فی اونس کا ہوگیا ہے۔
گزشتہ روز پاکستان میں سونے کی فی تولہ قیمت 100 روپے کم ہونے کے بعد 3 لاکھ 52 ہزار 900 روپے ہوگئی تھی۔