راولپنڈی: سدرہ قتل کیس میں اہم پیش رفت

راولپنڈی میں سدرہ قتل کیس میں اہم پیش رفت ہوئی ہے۔

تفصیلات کے مطابق راولپنڈی کےتھانہ صادق آباد کے علاقے میں تین بچوں کی ماں سدرہ اعظم کے قتل کا مقدمہ درج کر لیا گیا۔

پولیس کے مطابق خاتون کے قتل کا واقعہ گزشتہ روز تھانہ صادق آباد کے علاقہ شکریال میں پیش آیا ہے، مقتولہ کی شناخت سدرہ اعظم کے نام سے ہوئی ہے مقتولہ تین بچوں کی ماں ہے۔

واقعہ کا مقدمہ مقتولہ سدرہ اعظم کے خاوند عمر فاروق کی مدعیت میں درج کیا ہے، عزیزہ نے فون کال پر بیوی کے قتل ہونے کی اطلاع دی، مدعی مقدمہ کے مطابق بیوی نے واقعہ سے قبل بچوں کو ایک عزیزہ کے گھر چھوڑ دیا تھا۔

شوہر نے بتایا کہ مرکزی دروازہ اندر سے بند تھا گھر پہنچا تو دیکھا بیوی خون میں لت پت پڑی تھی، نامعلوم شخص نے گھر میں داخل ہو کر میری بیوی کو قتل کیا۔

پولیس نے واقعہ کی تفتیش شروع کردی۔خاتون کے شوہر اور دیگر اہل خانہ کے بیانات لے لئے گئے ہیں، مقتولہ کا پوسٹ مارٹم کا مقدمہ درج کیا گیا ہے تحقیقات جاری ہیں۔