انڈونیشیا، نارتھ مالوکو کے ساحل کے قریب 6شدت کا زلزلہ

انڈونیشیا کے مشرقی صوبے نارتھ مالوکو کے ساحل کے قریب زلزلہ کے شدید جھٹکے محسوس کئے گئے جن کی ریکٹر سکیل پر شدت 6 ریکارڈ کی گئی۔ شنہوا کے مطابق ملک کے موسمیات، موسمی تبدیلی اور ارضیاتی ادارے نے بتایا کہ انڈونیشیا کے مشرقی صوبےنارتھ مالوکو کے ساحل کے قریب ہفتہ کی صبح 4 بجکر 30 منٹ پر زلزلے کے جھٹکے محسوس کئے گئے ہیں جن کی شدت ریکٹر سکیل پر 6 ریکارڈ کی گئی ۔ زلزے کا مرکز سمندر کی سطح سے 58 کلو میٹر گہرائی میں تھا ۔ زلزلے کے باعث سونامی کی وارننگ جاری نہیں کی گئی۔