قومی
وزیرصحت مصطفٰی کمال اور وزیر آئی ٹی شیزا فاطمہ خواجہ کا دورہ پمز،ون پیشنٹ ون آئی ڈی کے تحت او پی ڈی سسٹم کا معائنہ کیا
وفاقی وزیرصحت مصطفیٰ کمال اور وفاقی وزیر آئی ٹی شیزا فاطمہ خواجہ نے ون پیشنٹ ون آئی ڈی کے تحت او پی ڈی سسٹم کا معائنہ کرنے کے لئے پاکستان انسٹیٹیوٹ آف میڈیکل سائنسز (پمز) کا دورہ کیا۔
دونوں وزرا نے ون پیشنٹ ون آئی ڈی کے تحت او پی ڈی سسٹم کا معائنہ کیا،وزیر صحت اور وزیر آئی ٹی کو او پی ڈی میں دیکھ کر مریض مسائل بتانا شروع ہوگئے۔وزیر صحت سید مصطفیٰ کمال اور وزیر آئی ٹی شیزا فاطمہ نے انتظامیہ کو ہدایات جاری کیں کہ مریضوں کے مسائل کو فوری حل کریں۔
