آئی سی سی چیمپئنز ٹرافی کا گیارہواں میچ جنوبی افریقا اور انگلینڈ کے درمیان ہفتہ کو کھیلا جائے گا

انٹرنیشنل کرکٹ کونسل کے زیر اہتمام آئی سی سی چیمپئنز ٹرافی کا نواں ایڈیشن پاکستان میں جاری ہے جس میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں۔آئی سی سی چیمپئنز ٹرافی میں کل (ہفتہ کو )مزید ایک میچ کا فیصلہ ہوگا جس میں گروپ بی سے جنوبی افریقا اور انگلینڈ کی ٹیمیں نیشنل کرکٹ سٹیڈیم، کراچی میں مد مقابل ہوں گی۔ جنوبی افریقا کی ٹیم کو مایہ ناز بلے باز ٹیمبا بووما لیڈ کریں گے جبکہ انگلینڈ کی ٹیم مایہ ناز وکٹ کیپر بلے باز جوز بٹلر کی زیر قیادت میدان میں اترے گی۔

آئی سی سی چیمپئنز ٹرافی میں 8 ٹیمیں ٹائٹل کے حصول کے لئے پنجہ آزماہیں جن میں میزبان دفاعی چیمپئن پاکستان، بنگلہ دیش،افغانستان،بھارت،نیوزی لینڈ،انگلینڈ ،آسٹریلیا اور جنوبی افریقا شامل ہیں۔ گروپ اے سے پاکستان کی ٹیم آئی سی سی چیمپئنز ٹرافی میں ٹائٹل کے دفاع کے لئے کوشاں تھی جو ٹائٹل کی دوڑ سے باہر ہوگئی ہے،اسی طرح بنگلہ دیش کی ٹیم بھی سیمی فائنل کی دوڑ سے باہر ہوچکی ہے۔اسی طرح انگلینڈ کی ٹیم بھی سیمی فائنل کی دوڑ سے باہر ہوچکی جبکہ جنوبی افریقا کی ٹیم تاحال گروپ بی میں ٹاپ پوزیشن پر ہے۔ جنوبی افریقا اور انگلینڈ کی ٹیمیں اپنا آخری گروپ میچ کھیلیں گی۔ تمام 8 ٹیموں کو دو گروپس میں تقسیم کیا گیا ۔

گروپ اے میں دفاعی چیمپئن پاکستان،بنگلہ دیش ،بھارت اور نیوزی لینڈ کی ٹیمیں شامل ہیں جبکہ گروپ بی میں افغانستان،آسٹریلیا،انگلینڈ اور جنوبی افریقا کی ٹیموں کو رکھا گیا ۔ تمام آٹھ ٹیموں کے دو گروپس میں سے دو ،دو ٹاپ ٹیمیں سیمی فائنل رائونڈ کے لئے کوالیفائی کریں گی ۔آئی سی سی چیمپئنز ٹرافی کا گیارہواں میچ گروپ بی کی ٹیموں جنوبی افریقا اور انگلینڈ کے درمیان کراچی میں کھیلا جائے گا۔

یہ میچ ڈے اینڈ نائٹ ہوگا اور دن دو بجے شرو ع ہوگا۔ آئی سی سی چیمپئنز ٹرافی کا پہلا سیمی فائنل میچ 4 مارچ جبکہ دوسرا سیمی فائنل میچ 5 مارچ کو کھیلا جائے گا۔ دو فائنلسٹ ٹیموں کے درمیان آئی سی سی چیمپئنز ٹرافی کا فائنل میچ 9 مارچ کو کھیلا جائے گا۔