چیمپئنز ٹرافی : انگلینڈ کیخلاف 37 رنز پر افغانستان کے 3 کھلاڑی آؤٹ

لاہور: آئی سی سی چیمپئنز ٹرافی کے آٹھویں میچ میں انگلینڈ کے خلاف افغانستان کی بیٹنگ جاری ہے اور افغان ٹیم نے 3وکٹوں کے نقصان پر 61 رنز بنا لیے ہیں۔

چیمپئنز ٹرافی کا گروپ میچ لاہور کے قذافی اسٹیڈیم میں افغانستان اور انگلینڈ کے درمیان کھیلا جارہا ہے جس میں افغان کپتان حشمت اللہ نے ٹاس جیت کر پہلے بیٹنگ کافیصلہ کیا۔

افغانستان کی جانب سے رحمان اللہ گرباز اور ابراہیم زدران نے اننگز کا آغاز کیا لیکن میچ کے آغاز میں اٖفغان اوپنر رحمان اللہ گرباز 6 رنز بنا کر آؤٹ ہو گئے جبکہ 15 کے مجموعے پر صدیق اللہ اٹل بھی صرف 4 رنز بنا کر پویلین لوٹ گئے جس کے بعد رحمت شاہ بھی 4 رنز بناکر آرچر کا شکار ہوگئے۔

ٹاس کے بعد کی گئی گفتگو میں کپتان حشمت اللہ کا کہنا تھا کہ دوسری اننگزمیں پچ سلو ہوجاتی ہے جس سے ہمارےاسپنرز کو مددملےگی۔

دوسری جانب انگلینڈ کے کپتان جوز بٹلر نے کہا کہ وکٹ بہت اچھی لگ رہی ہے، اچھا کھیل کر میچ جیتنے کی کوشش کریں گے ۔

انگلش ٹیم کے کپتان نے بتایا کہ انگلینڈ کی ٹیم میں ایک تبدیلی کی ہے ،برائیڈن کارس کی جگہ جیمی اورٹن کو شامل کیا گیا ہے۔