انگلش پریمیئر فٹ بال لیگ میں (ہفتہ کو)مزید 8میچ کھیلے جائیں گے

انگلش پریمیئر فٹ بال لیگ کل (ہفتہ کو) مزید 8میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔پہلا میچ برائٹن اینڈ ہوو البیون اور چیلسی کی ٹیموں کے درمیان امریکن ایکسپریس سٹیڈیم ،فالمر کے مقام پر کھیلا جائے گا،دوسرا میچ لیسٹر سٹی اور آرسنل کی ٹیموں کے درمیان کنگ پائور سٹیڈیم ، لیسٹر کے مقام پر کھیلا جائے گا،تیسرے میچ میں آسٹن ولا اور ایپسوچ ٹائون کی ٹیمیں آمنے سامنے ہوں گی اور یہ ولا پارک، برمنگھم میں کھیلا جائے گا۔چوتھا میچ فلہم ناٹنگھم فارسٹ کی ٹیموں کے درمیان کریون کاٹیج، لندن میں کھیلا جائے گا،پانچویں میچ میں دفاعی چیمپئن مانچسٹر سٹی اور نیوکیسل یونائیٹڈ کی ٹیمیں اتحاد سٹیڈیم ،مانچسٹر میں پنجہ آزمائی کریں گی۔

چھٹے میچ میں سائوتھمپٹن اور بورن مائوتھ کی ٹیمیں سینٹ میری سٹیڈیم ،سائوتھمپٹن کے مقام پر آمنے سامنے ہوں گی۔ساتواں میچ ویسٹ ہیم یونائیٹڈ اور برینٹ فورڈ کی ٹیموں کے درمیان لندن سٹیڈیم، لندن میں کھیلا جائے گاجبکہ 15 فروری کا آٹھواں اور آخری میچ کرسٹل پیلس اور ایورٹن کی ٹیموں کے درمیان سیلہرسٹ پارک، لندن میں کھیلا جائے گا۔انگلش پریمیئر فٹ بال لیگ کے 33 ویں سیزن کا آغاز ہوچکا ہے

جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔ ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔