وزیر اعظم شہباز شریف کا ورلڈ گورنمنٹس سمٹ کے موقع پر "ایج آف گورنمنٹ” نمائش کا دورہ

وزیر اعظم محمد شہباز شریف نے ورلڈ گورنمنٹس سمٹ کے موقع پر "ایج آف گورنمنٹ” نمائش کا دورہ کیا۔

وزیر اعظم کو دنیا بھر میں گورننس کی بہتری اور گورنمنٹس کے مختلف شعبوں میں اقدامات کی جدید مثالوں پر مبنی نمائش میں بریفنگ دی گئی۔ منگل کو وزیراعظم آفس کے پریس ونگ سے جاری بیان کے مطابق وزیر اعظم نے نمائش میں مختلف شعبوں کے حوالے سے چیلنجز کے جدید حل فراہم کرنے والے ماہرین سے بھی ملاقات و گفتگو کی۔

نائب وزیر اعظم و وزیر خارجہ اسحاق ڈار، وفاقی وزراء خواجہ محمد آصف، سردار اویس خان لغاری، محمد اورنگزیب، عطاء اللہ تارڑ اور معاون خصوصی طارق فاطمی بھی وزیر اعظم کے ہمراہ تھے۔