قومی
پیپلز پارٹی کے چیئرمین بلاول بھٹو زرداری کا پرنس کریم آغا خان کے انتقال پر افسوس کا اظہار
پیپلز پارٹی کے چیئرمین بلاول بھٹو زرداری نے اسماعیلی کمیونٹی کے روحانی پیشوا اور آغا خان ڈویلپمنٹ نیٹ ورک کے سربراہ پرنس کریم آغا خان کے انتقال پر ِ افسوس کا اظہار کیا ہے ۔ بدھ کو پی پی پی کے میڈیا ونگ سے جاری بیان کے مطابق بلاول بھٹو زرداری نے سوگوار خاندان اور اسماعیلی کمیونٹی سے اظہارِ تعزیت کیا ۔
انہوں نے کہاکہ پرنس کریم آغا خان کی انسانیت کی فلاح و بہبود اور علمی و طبی اداروں کے قیام کے لیے خدمات ہمیشہ یاد رکھی جائیں گی، انہوں نے ہمیشہ عوام کی خدمت اور پسماندہ علاقوں کی ترقی کو ترجیح دی۔ان کا کہنا تھا کہ پرنس کریم آغا خان کے انتقال پر پاکستانی عوام افسردہ ہیں، دعا ہے کہ اللہ تعالیٰ مرحوم کو جنت الفردوس میں جگہ اور سوگوار خاندان کو صبرِ جمیل عطا فرمائے
–
