عالمی

ٹرمپ تجربہ کار اور ذہین سیاستدان، مسائل کا حل تلاش کرنے کی صلاحیت رکھتے ہیں، روسی صدر

روسی صدر ولادیمیر پیوٹن نے کہا ہے کہ امریکا کے نومنتخب صدر ڈونلڈ ٹرمپ ایک تجربہ کار اور ذہین سیاستدان ہیں جو مسائل کا حل تلاش کرنے کی صلاحیت رکھتے ہیں۔

العربیہ اردو نے تاس کے حوالے سے کہا کہ ولادیمیر پیوٹن نے کہا ہے روس امریکا کے ساتھ بات چیت کے لیے تیار ہے۔روسی صدر نےکہا کہ انہیں یقین ہے کہ صدر جو بائیڈن کی انتظامیہ روس کے ساتھ تعلقات میں ٹرمپ کے لئے مشکلات پیدا کرنے کی کوشش کر رہی ہے۔

روسی صدرنے آستانہ کے اپنے سرکاری دورے کے دوسرے دن اجتماعی سلامتی کے معاہدے کی تنظیم کے اجلاس میں شرکت کی، جہاں انہوں نےاس بات پر زوردیا کہ جمعرات کو ان کے ملک کی طرف سے یوکرین پر کیا جانے والا بڑا حملہ امریکی حملوں کے جواب میں تھا۔

انہوں نےیوکرین کے دارالحکومت کیف میں فوجی مراکز پر اورشینک ہائپرسونک میزائل سے حملہ کرنے کی دھمکی بھی دی۔اجلاس میں شرکت کے دوران روسی صدر نے کہا کہ ایسے ممالک کی تعداد میں اضافہ ہو رہا ہے جو ایک محفوظ، کثیر قطبی عالمی نظام کی تعمیر کی حمایت کرتے ہیں۔

متعلقہ آرٹیکل

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button