اے این ایف کی انسداد منشیات کارروائیاں ، 20.555 کلو گرام منشیات برآمد،2 ملزمان گرفتار

اے این ایف نے تعلیمی اداروں اور ملک کے مختلف شہروں میں منشیات سمگلنگ کے خلاف 3 کارروائیوں میں 2 ملزمان گرفتار کر لیے ۔اے این ایف ہیڈکوارٹر راولپنڈی سے جاری گزشتہ 24 گھنٹوں کی انسداد منشیات کارروائیوں کی تفصیلات کے مطابق ان کارروائیوں میں 18 لاکھ روپے سے زائد مالیت کی 20.555 کلو گرام منشیات برآمدکی گئیں ۔

راولپنڈی میں لالہ زار روڈ پر یونیورسٹی کے قریب ملزم سے 1.2 کلو گرام چرس برآمدکی گئی ۔ترجمان نے بتایا کہ گرفتار ملزم نے تعلیمی اداروں کے طلباء کو منشیات فروخت کرنے کا اعتراف بھی کیاہے ۔
دیگر کارروائیوں میں کوہاٹ سے 11.155کلو گرام چرس برآمدکی گئی ۔مشرقی بائی پاس کراچی کے قریب ملزم سے 7.200 کلو گرام چرس اور 1 کلو گرام آئس برآمدکی گئی ۔ترجمان اے این ایف نے بتایاکہ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔