لیتھوانیا میں نیٹو نیٹو فوج کی تعیناتی کا منصوبہ بہترین انداز سے آگے بڑھ رہا ہے، بریگیڈیئر جنرل کرسٹوف ہوبر

جرمن فوج کے بریگیڈیئر جنرل کرسٹوف ہوبر نے کہا ہے کہ لیتھوانیا میں نیٹو فوج کی تعیناتی کا منصوبہ بہترین انداز سے آگے بڑھ رہا ہے۔ جرمن نشریاتی ادارے ڈی ڈبلیو کے مطابق انہوں نے کہا کہ مغربی دفاعی اتحاد نیٹو مشرقی یورپ میں اپنی عسکری موجودگی کو مضبوط بنا رہا ہے اور اس کی فوج کی تعیناتی کا منصوبہ عمدہ انداز سے آگے بڑھ رہا ہے۔

بریگیڈیئر جنرل کرسٹوف ہوبر لیتھوانیا میں مغربی دفاعی اتحاد کی جانب سے تعینات کردہ فوج کے کمانڈر کے طور پر ذمہ داریاں سنبھال رہے ہیں۔ انہوں نے کہا کہ فوجیوں کی فٹنس سمیت دیگر تفصیلات پر کام ہو رہا ہے، وہ لیتھوینیا میں تعیناتی کے بعد فوجیوں کے لیے مشترکہ کھیلوں اور مارچوں کا شیڈول وضع کریں گے، یہ بظاہر معمولی چیزیں ہیں مگر ان سے ہم سب پر ایک بات واضح ہو جائے گی کہ یہ انتہائی خصوصی مشن ہے۔ ان کا کہنا تھا کہ نیٹو کے اس فوجی بریگیڈ کی تعیناتی کا مقصد انہیں 2027 تک وہاں سرگرمیوں اور آزادنہ طور پر آپریشن کے لیے تیار کرنا ہے۔انہوں نے کہا کہ اس تعیناتی کا مقصد مشرقی یورپ میں تبدیل شدہ سکیورٹی صورت حال ہے، نیٹو کے اس منصوبے کے تحت لیتھوانیا میں 5 ہزار فوجی اہلکار تعینات ہو رہے ہیں۔

بریگیڈیئر جنرل نے بتایا کہ اس فوجی تعیناتی سے جڑے تعمیراتی منصوبے درست سمت میں گامزن ہیں اور ضروری بنیادی ڈھانچے کے قیام کی رفتار متاثرکن ہے۔