ملک میں ترقی اور استحکام سب سے مقدم ہے، جمہوریت اور آئین و قانون کی بالادستی سے ملک کو درپیش چیلنجز سے نمٹا جا سکتا ہے، گورنر پنجاب سردار سلیم حیدر خان

گورنر پنجاب سردار سلیم حیدر خان نے کہا ہے کہ ملک میں ترقی اور استحکام سب سے مقدم ہے، جمہوریت اور آئین و قانون کی بالادستی سے ملک کو درپیش چیلنجز سے نمٹا جا سکتا ہے۔ ان خیالات کا اظہار انہوں نے پنجاب ہائوس اسلام آباد میں سپیکر پنجاب اسمبلی ملک محمد احمد خان سے ملاقات کے موقع پر کیا۔ ملاقات میں ملک کی مجموعی صورتحال پر تبادلہ خیال کیا گیا۔ دونوں رہنمائوں نے ملک میں آئینی استحکام اور بالخصوص صوبہ پنجاب کی ترقی کے لیے مل کر چلنے کے عزم کا اظہار کیا۔

اس موقع پر اظہار خیال کرتے ہوئے گورنر پنجاب سردار سلیم حیدر خان نے کہا کہ ملک میں ترقی اور استحکام سب سے مقدم ہے، ملک میں سیاسی اور معاشی استحکام کے لیے اتحادی حکومت کو مضبوط بنانا ہے، جمہوریت اور آئین و قانون کی بالادستی سے ملک کو درپیش چیلنجز سے نمٹا جا سکتا ہے، ملک میں معاشی بہتری روشن مستقبل کی نوید ہے۔