ساف ویمنز چیمپئن شپ 2024 کے لیے حتمی سکواڈ کا اعلان
پی ایف ایف نے رواں ماہ نیپال میں ہونے والی ساف ویمنز چیمپئن شپ 2024 کے لیے حتمی سکواڈ کا اعلان کر دیا، چیمپئن شپ 17 سے 30 اکتوبر تک نیپال کے شہر کھٹمنڈو میں کھیلی جائے گی۔
سکواڈ میں گول کیپر نشا اشرف، مافیا پروین اور رومیسا خان، ڈیفنڈرز میں کائلہ صدیقی، مشال بھٹی، سارہ خان، نزالیہ صدیقی، صوفیہ قریشی، فاطمہ ناصر اور مہرین خان، مڈ فیلڈرز میں سوہا ہیرانی، ماریہ خان، ثناء مہدی، آمنہ حنیف، رامین فرید اور کائنات بخاری جبکہ فارورڈز میں نادیہ خان، ظہمینہ ملک، اسرا خان، انمول حرا، انوشے عثمان اور عالیہ صادق شامل ہیں۔
قومی ٹیم 12 اکتوبر کو اسلام آباد سے براستہ دبئی نیپال روانہ ہوگی۔ پاکستان اپنی مہم کا آغاز 17 اکتوبر کو بھارت کے خلاف میچ سے کرے گی، پاکستان ویمن فٹ بال ٹیم کا گروپ مرحلے میں 20 اکتوبر کو بنگلہ دیش کے ساتھ مقابلہ ہوگا، دونوں میچ شام 4 بجکر 45 منٹ پر کھیلے جائیں گے۔
