سپینش لالیگا فٹ بال میں ویلریال اور ایٹلیٹیکو میڈرڈ نے اپنے اپنے میچ جیت لئے

سپینش لالیگا میں ویلریال نےسپینیوئل کو اور ایٹلیٹیکو میڈرڈ نےسیلٹا ویگو کو ہرا کر اپنے اپنے میچ جیت لئے ۔ویلریال نے ہسپانوی فٹ بال لیگ لالیگا کے ایک میچ میں سپینیوئل کی ٹیم کو سخت مقابلے کے بعد 1-2گول سے ہرا دیا جبکہ ایٹلیٹیکو میڈرڈ نےسیلٹا ویگو کو سخت مقابلے کے بعد 0-1 گول سے ہرا دیا۔ سپینش لیگ لالیگا کے دلچسپ مقابلوں کا سلسلہ سپین میں جاری ہے۔

سٹیج فرنٹ سٹیڈیم، بارسلونا میں کھیلے گئے اہم میچ میں ویلریال نے عمدہ کھیل پیش کرتے ہوئے حریف سپینیوئل کی ٹیم کو ایک کے مقابلے میں 2گول سے ہرا دیا ۔فاتح ٹیم ویلریال کی جانب سے دونوں گول ایوز پیریز نے سکورکیے ۔سپینیوئل کی جانب سے واحد گول جوفری کیریراس نے سکور کیا۔

سٹیڈیو ابانکا ،بالائیڈوس، ویگوکے مقام پر کھیلے گئے میچ میں ایٹلیٹیکو میڈرڈ اور سیلٹا ویگو کی ٹیمیں آمنے سامنے تھیں جس میں ایٹلیٹیکو میڈرڈ نےانتہائی سخت مقابلے کے بعد میزبان سیلٹا ویگو کی ٹیم کو 0-1 گول سے ہرا دیا۔ایٹلیٹیکو میڈرڈ کے جولین الواریز نے واحد گول میچ کے اختتامی لمحات میں گول کر کے اپنی ٹیم کی فتح میں کلیدی کردار ادا کیا۔