نائومی اوساکا اور شوائی ژینگ کا چائنا اوپن ٹینس ویمنز سنگلز کا فاتحانہ آغاز

جاپان کی نامور ٹینس سٹار نائومی اوساکا اور چین کی ٹینس سٹار شوائی ژینگ چین کے دارالحکومت بیجنگ میں جاری چائنا اوپن ٹینس ٹورنامنٹ میں خواتین کے سنگلز مقابلوں کا فاتحانہ آغاز کرتے ہوئے دوسرے رائونڈ میں پہنچ گئیں ۔26 سالہ جاپانی کھلاڑی نائومی اوساکا نے ویمنز سنگلز کے ابتدائی رائونڈ میں اٹلی کی لوسیا برونزیٹی کو شکست دی جبکہ چین کی شوائی ژینگ نے امریکی حریف کھلاڑی میک کارٹنی کیسلر کو ٹائی بریک پر شکست دی۔

چین کے دارالحکومت بیجنگ میں جاری چائنا اوپن ٹینس ٹورنامنٹ میں خواتین کے سنگلز مقابلوں کے ابتدائی رائونڈ میں 26 سالہ جاپانی کھلاڑی نائومی اوساکا نے شاندار کارکردگی کا مظاہرہ کرتے ہوئے اٹلی کی لوسیا برونزیٹی کو سٹریٹ سیٹس میں 3-6 اور 2-6 سے شکست دے کر نہ صرف ایونٹ کا فاتحانہ آغاز کیا بلکہ دوسرے رائونڈ کے لئے بھی کوالیفائی کرلیا۔

ایک اور میچ میں چین کی ٹینس سٹار شوائی ژینگ نے دلچسپ مقابلے کے بعد ٹائی بریک پر امریکی حریف کھلاڑی میک کارٹنی کیسلر کو 6-7(5-7) اور 6-7(1-7)سے شکست دیکر ایونٹ کے دوسرے رائونڈ کے لئے کوالیفائی کرلیا۔