کھلاڑی تنقید کو مثبت انداز سے لیکر اپنی کارکردگی میں بہتری لا سکتے ہیں،سعود شکیل

کوئٹہ گلیڈی ایٹرز کے بیٹر سعود شکیل نے کہا ہے کہ تنقید کو اگر مثبت انداز میں لیا جائے تو اس سے کھلاڑیوں کی کارکردگی میں بہتری آتی ہے، جوبات سننے کی ہوتی ہے اسے ضرور سنتا ہوں۔انہوں نے پریس کانفرنس میں نوجوان کھلاڑیوں کو مشورہ دیا کہ ڈومیسٹک کرکٹ بہت اہم ہے، ڈومسٹک کرکٹ ضرور کھیلیں اور چار روزہ کرکٹ کو اہمیت دیں۔

انہوں نے کہا کہ صرف کپتان اور کوچ کی تبدیلی سے بہتری نہیں آئی، ٹیم میں بہت سی تبدیلیاں ہوئیں جس کا فائدہ ہوا ہے۔ان کا کہنا تھا کہ ماضی کی باتیں پرانی ہوچکی ہیں لیکن کوئٹہ گلیڈی ایٹر نے مجھے جو موقع دیا ہے اسے انجوائے کررہا ہوں، کسی کی ذاتی رائے کچھ بھی ہوسکتی ہے۔سعود شکیل کا کہنا تھا کہ برے وقت میں تحمل سے کام لینا چاہیے، تنقید کو مثبت لیا جائے تو فائدہ بھی ہوتا ہے، جوبات سننے کی ہوتی ضرور اسے ضرور سنتا ہوں۔