کھیلوں کی دنیا
ہرشیت رانا اور نتیش کمار ریڈی کا بھارت کی طرف سے ٹیسٹ ڈیبیو
بھارتی کرکٹ ٹیم کے مایہ ناز بائول ہرشیت رانا اور نتیش کمار ریڈی نے آسٹریلیا کے خلاف اپنے ٹیسٹ کرکٹ کیریئر کا آغاز کیا۔ دونوں کھلاڑیوں نے پرتھ سٹیڈیم ، پرتھ کے مقام پر آسٹریلیا کے خلاف جاری پانچ ٹیسٹ میچوں کی بارڈر،گواسکر سیریز کے ابتدائی میچ میں شرکت کر کے یہ اعزاز حاصل کیا۔
نتیش کمار ریڈی نے آسٹریلیا کے خلاف پہلے ٹیسٹ میچ کی پہلی اننگز میں 41 رنز سکور کئے جبکہ ہرشیت رانا نے 7 رنز بنائے۔ ہرشیت رانا نے پہلے روز کھانے کے وقفے کے بعد آسٹریلوی ٹیم کے ایک کھلاڑی کو آئوٹ کیا۔ ہرشیت رانا ٹیسٹ ڈیبیو کرنے والے 315 ویں جبکہ نتیش کمار ریڈی ٹیسٹ کیریئر کا آغاز کرنے والے 316ویں بھارتی کھلاڑی بن گئے ہیں۔
