وزیراعظم شہباز شریف کی ریاض حسین پیرزادہ کی رہائشگاہ آمد، چھوٹے بھائی میاں سجاد حسین پیرزادہ کی وفات پر تعزیت کا اظہار کیا

وزیراعظم محمد شہباز شریف نے وفاقی وزیر ہائوسنگ اینڈ ورکس ریاض حسین پیرزادہ کی حاصل پور کے نواحی علاقے شیخ واہن میں واقع رہائشگاہ جا کر ان کے چھوٹے بھائی میاں سجاد حسین پیرزادہ کی وفات پر تعزیت کا اظہار کیا ہے۔

وزیراعظم آفس کے میڈیا ونگ سے جاری بیان کے مطابق وزیراعظم نے مرحوم کے درجات کی بلندی کیلئے دعا کی کہ اللہ تعالیٰ مرحوم کو جنت الفردوس میں جگہ دے اور ان کے اہل خانہ کو صبرِ جمیل عطا کرے۔وفاقی وزراء احسن اقبال،مصدق ملک، عطاء اللہ تارڑ ،سردار اویس لغاری اور قومی و صوبائی اسمبلی ممبران بھی وزیراعظم کے ہمراہ تھے۔